سانبورہ اور وچھورہ پلوامہ میں جنگجو مخالف آپریشن 

وچھورہ پلوامہ میں نوجوان کی ہڈی پسلی ایک کردی گئی ،کئی نوجوان گرفتار 
سرینگر؍جنوبی کشمیر میں شبانہ جنگجو مخالف آپریشن جاری سانبورہ اور وچھورہ پلوامہ میں سیکورٹی فورسز نے گھر گھر تلاشی لی جبکہ وچھورہ پلوامہ میں ایک نوجوان کی ہڈی پسلی ایک کردی گئی ۔ادھر شوپیاں میں چھاپہ مار کارروائی کے دوران کئی نوجوانوں کو گرفتار کیا گیا۔ خبر رساں ایجنسی یو پی آئی کے مطابق عسکریت پسندوں کی موجودگی کی اطلاع ملنے کے بعد سیکورتی فورسز نے درمیانی رات کو سانبورہ پلوامہ میںجنگجو مخالف آپریشن شروع کیا جس دوران گھر گھر تلاشی لی گئی ۔ مقامی ذرائع نے بتایا کہ سیکورٹی فورسز نے تلاشی کے دوران مکینوں سے پوچھ تاچھ بھی کی ۔ ذرائع نے بتایا کہ فوج ، پولیس اور سی آر پی ایف کی مشترکہ ٹیم نے کئی گھنٹوں تک تلاشی لی تاہم اس دوران کسی کی گرفتاری عمل میں نہیں لائی گئی ۔ ادھر فورسز نے پلوامہ کے ہی وچھورہ گاؤں کو محاصرے میں لے کر تلاشی لی جس دوران طاریق احمد شیخ نامی نوجوان کے گھر پر چھاپہ ڈالا گیا ۔ لواحقین نے الزام لگایا کہ فورسز اہلکاروں نے طاریق احمد کی ہڈی پسلی ایک کردی جس کو زخمی حالت میں صورہ میڈیکل انسٹی چیوٹ منتقل کرنا پڑا۔ لواحقین کا مزید کہنا تھا کہ فورسز اہلکاروں نے طاریق احمد کی کئی گھنٹوں تک مارپیٹ کی جس کی وجہ سے وہ بے ہوش ہو گیا ۔ ادھر شوپیاں میں چھاپہ مار کارروائی کے دوران کئی نوجوانوں کو گرفتار کرنے کی اطلاعات موصول ہوئی ہے۔ ذرائع نے بتایا کہ شوپیاں کے شگن گاؤں میں سیکورٹی فورسز نے تلاشی کے دوران کئی مشتبہ نوجوانوں کو حراست میں لے کر اُن سے پوچھ تاچھ شروع کی ہے۔دفاعی ذرائع کے مطابق عسکریت پسندوں کی موجودگی کی اطلاع ملنے کے بعد سیکورٹی فورسز نے سانبورہ اور وچھورہ پلوامہ گاؤں میں جنگجو مخالف آپریشن شروع کیا تاہم اس دوران کسی کی گرفتاری عمل میں نہیں لائی گئی ۔ وچھورہ پلوامہ میں نوجوان کو ہڈی پسلی ایک کرنے کے الزامات کو مسترد کرتے ہوئے دفاعی ذرائع نے بتایا کہ لواحقین کی جانب سے لگائے جانے والے الزامات من گھڑت اور حقیقت سے بعید ہے۔ 

Please follow and like us:
1000

Leave a Reply

Your email address will not be published. Required fields are marked *