0

ایس آئی پیپر لیک کیس :ای ڈی نے ایک اور ملزم کو دھر دبوچا

جموں،11جولائی:انفورسمنٹ ڈائریکٹوریٹ (ای ڈی ) نے سب انسپکٹر پیپر لیک کیس میں ملوث ایک اور ملزم کی گرفتاری عمل میں لائی ہے۔
بتادیں کہ سال 2022میں سب انسپکٹر امتحانات کے پرچے قبل از وقت افشاں ہوئے تھے۔
اطلاعات کے مطابق تین ہفتے قبل ای ڈی نے سال 2022سب انسپکٹر امتحانات پیپر لیک کے کلیدی ملزم کی گرفتاری عمل میں لانے کے بعد بدھ کے روز انفورسمنٹ ڈائریکٹوریٹ اور ایک ملزم کو سلاخوں کے پیچھے دھکیل دیا ہے۔
ذرائع نے بتایا کہ بدھ کے روز انفورسمنٹ ڈائریکٹوریٹ (ای ڈی )جموں نے 31سالہ انیل کمار ساکن ہریانہ کی گرفتاری عمل میں لاکر اس سے پوچھ تاچھ شروع کی۔
معلوم ہوا ہے کہ جمعرات کی صبح ملزم کو جموں کی خصوصی عدالت میں پیش کیا گیا جہاں سے اسے پانچ روزہ ریمانڈ پر بھیج دیا گیا ہے۔
ذرائع کے مطابق 24جون کو ای ڈی نے پیپر لیک سکیم کے ایک کلیدی ملزم یتن یادو کو حراست میں لیا تھا۔
واضح رہے کہ جموں وکشمیر سروسز سلیکشن بورڈ کی جانب سے 27مارچ 2022میں سب انسپکٹر اسامیوں کو پر کرنے کی خاطر تحریری امتحان لیا گیا تاہم پیپر لیک کا معاملہ سامنے آنے کے بعد حکومت نے کمیٹی تشکیل دی۔
کمیٹی کی جانب سے رپورٹ پیش کرنے اور امیدواروں کی جانب سے الزامات لگانے کے بعد جموں وکشمیر کی انتظامیہ نے اس امتحان کے ساتھ ساتھ جونیئر انجینئر اور فائنانس اکاونٹس اسسٹنٹ کے امتحانات کو بھی منسوخ کیا۔
جموں وکشمیر انتظامیہ نے کیس کو سی بی آئی کے سپرد کیا اور سی بی آئی نے بعدازاں 33ملزمان کے خلاف چارج شیٹ پیش کیا۔
نومبر 2022میں ای ڈی نے بھی اس ضمن میں ایف آئی آر درج کرکے منی لانڈرنگ کیس کے تحت مقدمہ درج کیا تھا۔
یو این آئی-

اس خبر پر اپنی رائے کا اظہار کریں

اپنا تبصرہ بھیجیں