0

بارہمولہ میں منشیات فروش گرفتار، نشہ آور مواد بر آمد:پولیس

سری نگر، 25 جنوری (یو این آئی) منشیات کے خلاف جنگ کو جاری رکھتے ہوئے پولیس نے شمالی کشمیر کے ضلع بارہمولہ میں ایک اور منشیات فروش کو گرفتار کرکے اس کی تحویل سے نشہ آور مواد بر آمد کیا ہے۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس اسٹیشن اوڑی کی ایک پارٹی نے بونیار علاقے میں ایک ناکے کے دوران ایک گاڑی زیر رجساٹریشن نمبر JK05D – 8299 کو روکا۔
انہوں نے کہا کہ تلاشی کے دوران ایک شخص کی تحویل سے 110 گرام ہیرائن جیسا مواد بر آمد کیا گیا۔
بیان میں منشیات فروش کی شناخت ادریس شفیع خان ولد محمد شفیع خان ساکن نورکھاہ بجہامہ کے طور پر کی گئی ہے۔
انہوں نے کہا کہ مزکورہ مشیات فروش کو گرفتار کرکے پولیس اسٹیشن بونیار میں حراست میں رکھا گیا ہے۔
ان کا کہنا تھا کہ پولیس نے اس سلسلے میں پولیس اسٹیشن بجہامہ میں متعلکقہ دفعات کے تحت ایک کیس درج کرکے تحقیقات شروع کی ہیں۔
قابل ذکر ہے کہ بارہمولہ پولیس نے منشیات کے خلاف وسیع پیمانے پر جنگ کو جاری رکھتے ہوئے سال 2023 کے دوران این ڈی پی ایس ایکٹ کے تحت 264 مقدمے درج کرکے 464 منشیات فروشوں کو گرفتار کیا۔

اس خبر پر اپنی رائے کا اظہار کریں

اپنا تبصرہ بھیجیں