0

جموںو کشمیر سے آرٹیکل 370 منسوخ کرنا ہمارے لئے اعزاز کی بات ۔ مودی

سری نگر، 19 ستمبر۔ ایم این این۔ وزیر اعظم نریندر مودی نے منگل کو کہا کہ یہ ان کا اعزاز ہے کہ انہیں پارلیمنٹ ہاؤس سے جموں و کشمیر میں آرٹیکل 370 کو منسوخ کرنے کا موقع ملا، جو دہشت گردی اور علیحدگی پسندی سے لڑنے کی سمت ایک اہم قدم ثابت ہوا۔پی ایم مودی نے یہ باتیں پارلیمنٹ کی پرانی عمارت میں لوک سبھا اور راجیہ سبھا کے مشترکہ اجلاس سے خطاب کرتے ہوئے کہیں۔ پی ایم مودی نے کہا کہ آرٹیکل 370 کو منسوخ کرنے کے لیے پارلیمنٹ کے ہر رکن نے اہم کردار ادا کیا۔ انہوں نے یہ بھی کہا کہ اس پارلیمنٹ کی وجہ سے مسلم ماؤں اور بہنوں کو انصاف ملا، یہاں سے ‘تین طلاق’ کی مخالفت کرنے والا قانون متحد ہو کر پاس ہوا۔ “گزشتہ چند سالوں میں، پارلیمنٹ نے خواجہ سراؤں کو انصاف فراہم کرنے والے قوانین بھی منظور کیے ہیں۔ ہم نے متحد ہو کر ایسے قوانین پاس کیے ہیں جو خصوصی طور پر معذور افراد کے روشن مستقبل کی ضمانت دیں گے۔ یہ ہماری خوش قسمتی ہے کہ ہمیں پارلیمنٹ سے آرٹیکل 370 کو منسوخ کرنے کا موقع ملا۔

اس خبر پر اپنی رائے کا اظہار کریں

اپنا تبصرہ بھیجیں