جموں19جنوری(یو این آئی) جموں وکشمیر کے ضلع سانبہ کے سرحدی علاقے میں موٹار شیل پایا گیا جس کو بعد ازاں ناکارہ بنا دیا گیا۔سرکاری ذرائع کے مطابق اتوار کی صبح معمول کی پیٹرولنگ کے دوران بارڈر سیکورٹی فورسز نے کامور آوٹ پوسٹ کے نزدیک ایک موٹار شیل دیکھا جس کے متعلق انہوں نے بی ڈی ایس کو مطلع کیا۔انہوں نے کہاکہ اطلاع موصول ہوتے ہی بی ایس ایف کی بم ناکارہ بنانے والی ایک ٹیم کو جائے موقع پر طلب کیا گیا جنہوں نے اس زنگ آلودہ شیل کو بغیر کوئی نقصان پہنچائے ناکارہ بنا دیا۔
