سری نگر :۲۱،جون: جے کے این ایس : عیدالاضحی کے مقدس ایام کے دوران سٹی ٹرانسپورٹ نیٹ ورک نے بہترین ٹرانسپورٹ خدمات بہم رکھتے ہوئے سری نگرمیں ہزاروں لوگوں کو آواجاہی میں راحت پہنچائی ۔جے کے این ایس کے مطابق تین روزہ عید الاضحی کے دوران10ہزار سے زیادہ لوگوں نے سری نگر سمارٹ سٹی بس سروس کے ذریعے سفر کیا ۔حکام نے کہا کہ نجی گاڑیوں کے بھاری استعمال کے باوجود اہم علاقوں میں نقل و حرکت میں آسانی کا سہرا سٹی ٹرانسپورٹ نیٹ ورک کوجاتاہے۔ایک نیوز ایجنسی سے بات کرتے ہوئے، سری نگر اسمارٹ سٹی لمیٹڈ کے ایک سینئر اہلکار نے کہا کہ ا سمارٹ سٹی بسیں عید کے تینوں دن چلتی رہیں، اس بات کو یقینی بناتے ہوئے کہ لوگ بازاروں، ہسپتالوں اور رہائشی علاقوں میں آسانی کےساتھ سفر کر سکیں۔انہوںنے بتایاکہ اگرچہ سری نگر میں لوگوں کی اکثریت عید کی تقریبات کے دوران اپنی نجی گاڑیوں کو استعمال کرنے کو ترجیح دیتی ہے، لیکن اسمارٹ سٹی بسوں نے پھر بھی ایک اہم خلا کو پ ±ر کیا، خاص طور پر ان لوگوں کے لئے جن کی اپنی ٹرانسپورٹ نہیں ہے یا وہ لوگ جوبھیڑ والے علاقوں میں سفر کر تے ہیں۔حکام نے کہا کہ محکمہ نے عید سے قبل بسوں کی مناسب تعیناتی کو یقینی بنایا ہے۔انہوںنے کہاکہ ہم نے نماز سے پہلے اور بعد میں نقل و حرکت کا اندازہ لگایا تھا، خاص طور پر بازاروں، مذہبی مقامات اور ہسپتالوں کے ارد گرد، سمارٹ سٹی بسوں کی تعیناتی اسی کے مطابق کی گئی، اور صرف تین دنوں میں10ہزار سے زیادہ مسافروں نے اسمارٹ سٹی بسوںمیں سفرکیا۔سری نگر اسمارٹ سٹی لمیٹڈ کے ایک اہلکار نے بتایا کہ بسیں مختلف بڑے پک اپ پوائنٹس سے چلائی جاتی ہیں جن میں بتہ مالو، لال چوک، ڈلگیٹ، حضرت بل اور دیگر مقامات شامل ہیں تاکہ لوگوں کی ضروریات کو پورا کیا جا سکے۔ انہوں نے مزید کہا کہ اس بات کو یقینی بنانے پر خصوصی توجہ دی گئی کہ بسیں وقفے وقفے سے چل رہی ہوں اور عام لوگوں کے لیے بغیر کسی پریشانی کے قابل رسائی ہوں۔انہوںنے مزیدکہاکہ اگرچہ پرائیویٹ ٹرانسپورٹ کا بہاو ¿ زیادہ تھا، ایسی کئی مثالیں تھیں جہاں سڑکیں بہت زیادہ گنجان تھیں یا پارکنگ دستیاب نہیں تھی۔ یہی وہ جگہ تھی جہاں بس سروس لوگوں کےلئے ایک قابل اعتماد آپشن تھی۔مزید برآں، سری نگر سمارٹ سٹی لمیٹڈ شہر کے پبلک ٹرانسپورٹ سسٹم کو مضبوط بنانے کے لیے کام کر رہی ہے، جس میں ٹریفک کی بھیڑ اور آلودگی کو کم کرنے کے لیے جدید، کم اخراج والی الیکٹرک بسیں متعارف کرائی گئی ہیں۔ اس سلسلے میں انہوں نے کہا کہ ان کی کوششوں کا مقصد شہر بھر میں مسافروں کے لیے دوستانہ ماحول بنانا ہے۔
0
