جموں، 5 اکتوبر (یو این آئی) منشیات کے خلاف کریک ڈاؤن کو جاری رکھتے ہوئے جموں وکشمیر پولیس نے ضلع کٹھوعہ میں ایک منشیات کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے۔
ایک پولیس ترجمان نے اپنے ایک بیان میں کہا کہ پولیس اسٹیشن بلور کی ایک ٹیم نے مالٹی علاقے میں ایک خصوصی ناکہ لگا دیا۔
انہوں نے کہا کہ اس دوران ایک مشتبہ شخص کو دھر لیا گیا جس نے پولیس کو دیکھ کر جائے موقع سے فرار ہونے کی کوشش کی۔
ان کا کہنا ہے کہ تلاشی کے دوران اس کی تحویل سے10.09 گرام ہیروئن بر آمد کیا گیا جس کے بعد اس کی بر سر موقع ہی گرفتاری عمل میں لائی گئی۔
گرفتار شدہ ملزم کی شناخت مسکین علی ولد بشیر احمد ساکن گڑھ سامنہ بنج اودھم پور کے طور پر کی گئی ہے۔
پولیس ترجمان نے بتایا کہ اس ضمن میں پولیس اسٹیشن بلور میں این ڈی پی ایس ایکٹ کے تحت زیر ایف آئی آر نمبر 146/2025 ایک مقدمہ درج کیا گیا اور مزید تحقیقات شروع کی گئیں۔
انہوں نے لوگوں سے منشیات کی بیخ کنی کو یقینی بنانے کے لئے بھر پور تعاون کرنے کی اپیل کی۔
0
