واشنگٹن، 30 جولائی (یواین آئی) امریکہ نے یکم اگست سے ہندوستانی مصنوعات پر 25 فیصدٹیرف اور روس کے ساتھ تجارت کرنے پر جرمانے کا اعلان کیا ہے۔
امریکی صدر ڈونلڈ ٹرمپ نے بدھ کے روز ٹروتھ سوشل پر ہندوستان کو ’’دوست‘‘ قراردیتے ہوئے نئے درآمدی ٹیرف اور جرمانے کا اعلان کیا۔
انہوں نے اپنی پوسٹ میں لکھا، “ہندوستان ہمارا دوست ہے، لیکن برسوں سے ہم نے ان کے ساتھ نسبتاً کم کاروبار کیا ہے کیونکہ ان کے درآمدی ٹیرف بہت زیادہ ہیں، دنیا میں سب سے زیادہ درآمدی ٹیرف میں سے ایک۔ کسی دیگر ملک کے مقابلے میں ان کے یہاں غیر مالیاتی رکاوٹیں سب سے مشکل ہیں۔
مسٹر ٹرمپ نے لکھا کہ ہندوستان روس سے بڑی مقدار میں فوجی سازوسامان خریدتا ہے اور ایسے وقت میں جب سب چاہتے ہیں کہ روس “یوکرین میں قتل و غارت کو روکے”، ہندوستان چین کے ساتھ روس کا سب سے بڑا توانائی خریدار ہے۔ انہوں نے جلی حروف میں لکھا، “لہذا، ہندوستان یکم اگست سے 25 فیصد درآمدی ڈیوٹی ادا کرے گا، اس کے علاوہ ان سب کے لیے جرمانہ بھی۔
قابل ذکر ہے کہ اس سے قبل امریکہ نے جاپان اور یورپی یونین پر 15 فیصد درآمدی ٹیرف لگایا تھا اور کم درآمدی ٹیرف کے بدلے دونوں امریکہ میں بھاری سرمایہ کاری کرنے پر متفق ہوئے ہیں۔
0
