سری نگر، 30 اکتوبر (یو این آئی) جموں وکشمیر کے لیفٹیننٹ گورنر منوج سنہا نے دہشت گردی ے ساتھ روابط ہونے کے الزام میں دو سرکاری ملازموں کو دفعہ 311 کے تحت بر طرف کر دیا ہے۔
حکومت کی طرف سے جاری ایک حکمنامے کے مطابق برطرف کئے ملازمین میں غلام حسین ولد علی محمد ساکن ماہور ریاسی شامل ہے جو محکمہ تعلیم میں بحیثیت ایک استاد تعینات تھا۔
مذکورہ استاد پر ایک اوور گرائونڈ ورکر ہونے اور اپنے ضلع میں دہشت گردی سے وابستہ سرگرمیوں کو فروغ دینے کا الزام ہے۔
دوسرے ملازم ماجد اقبال ڈار ولد مرحوم محمد اقبال ڈار ساکن کھیرو راجوری ہے جو محکمہ تعلیم میں ایک استاد ہے، کو برطرف کر دیا گیا جس پر منشیات کے ذریعے دہشت گردی کی مالی مدد کرنے اور نوجوانوں کی انتہا پسندی اور حراست کے باجود بھی تخریبی سرگرمیوں کو جاری رکھنے کے الزامات ہیں۔
0
