پسماندہ طبقات کیلئے ریزرویشن کا مسئلہ حکومت کے زیر غور / کابینہ وزیر جاوید ڈار
سرینگر /24مارچ // حکومت جموں کشمیر میں پنچایتی انتخابات کرانے کیلئے تیار ہے کی بات کرتے ہوئے کابینہ وزیر جاوید احمد ڈار نے کہا کہ پسماندہ طبقات (او بی سی) کیلئے ریزرویشن کا مسئلہ حکومت کے زیر غور ہے۔سٹار نیوز نیٹ ورک کے مطابق بارہمولہ میں ایک تقریب کے حاشیہ پر میڈیا سے بات کرتے ہوئے کابینہ وزیر جاوید احمد ڈار نے کہا کہ حکومت جموں کشمیر میں پنچایتی انتخابات کرانے کیلئے تیار ہے ۔ انہوں نے مزید کہا کہ طریقہ کار کے تقاضے پورے کیے جا رہے ہیں۔ڈار نے کہا کہ انتخابات کے لیے ضروری انتظامات کیے جا رہے ہیں۔انہوں نے کہا”ہم پنچایتی انتخابات کے لیے تیار ہیں۔ کچھ رسمی کارروائیوں کی ضرورت ہے اور کچھ چیزوں کو اپنی جگہ پر رکھنا ہے۔ ہم وہ کر رہے ہیں۔ “ انہوں نے کہا کہ یہ عمل مکمل ہونے کے بعد انتخابات کرائے جائیں گے۔ انہوں نے مزید کہا کہ اس کے بعد بلدیاتی انتخابات کرائے جائیں گے۔ایک اور سوال کے جواب میں وزیر نے کہا کہ دیگر پسماندہ طبقات (او بی سی) کے لیے ریزرویشن کا مسئلہ حکومت کے زیر غور ہے۔انہوں نے کہا ” اس ریزرویشن کا ایک مسئلہ ہے۔ حکومت اس کا جائزہ لے رہی ہے۔ اس پر بات چیت ہو رہی ہے۔ “ ڈار نے کہا کہ کارروائی مکمل ہونے کے بعد فیصلہ کیا جائے گا۔انہوں نے کہا ” جب اسے مکمل طور پر مرتب کر کے پیش کیا جائے گا، تب اس پر عمل درآمد کیا جائے گا۔ “
0
