نئی دہلی، 15 دسمبر (یو این آئی) دہلی کے اندرا گاندھی بین الاقوامی ہوائی اڈے پر پیر کو گھنے دھند کی وجہ سے 228 پروازیں منسوخ کر دی گئیں اور پانچ کو دوسرے شہروں کی طرف موڑ دیا گیا۔
ہوائی اڈے کے حکام نے یو این آئی کو بتایا کہ دہلی سے روانہ ہونے والی 131 اور دہلی پہنچنے والی 97 پروازیں منسوخ کر دی گئیں۔ اس کے علاوہ سینکڑوں پروازیں بھی تاخیر کا شکار ہوئیں جس سے مسافروں کو کافی پریشانی کا سامنا کرنا پڑا۔
قابل ذکر ہے کہ دہلی-این سی آر اور شمالی ہندوستان کے کچھ شہروں میں آدھی رات کے بعد تقریباً 2 بجے سے کہرا گہرا ہونا شروع ہوا۔ دہلی ہوائی اڈے پر مرئیت ایک موقع پر تقریباً صفر تک گر گئی۔
محکمہ موسمیات کے مطابق دہلی ایئرپورٹ پر منگل کو بھی ایسے ہی حالات رہنے کی توقع ہے۔ مرئیت صبح 2:30 بجے تک 600 میٹر اور صبح 6:30 بجے تک 100 میٹر تک گر سکتی ہے۔
0
