سری نگر، 4 جنوری (یو این آئی) منشیات فروشوں کے خلاف مہم کو جاری رکھتے جموں وکشمیر پولیس نے جنوبی کشمیر کے ضلع شوپیاں میں ایک منشیات فروش کو گرفتار کرکے اس کی تحویل سے چرس جیسا ممنوعہ مواد بر آمد کیا ہے۔
ایک پولیس ترجمان نے اپنے ایک بیان میں کہا کہ پولیس اسٹیشن شوپیاں کی ایک پارٹی نے نادی گام جنکشن پر ناکے کے دوران ایک شخص کو مشکوک حالت میں گھومتے ہوئے دیکھا اور اس کو دھر لیا۔
انہوں نے کہا کہ تلاشی کے دوران اس کی تحویل سے 495 گرام چرس جیسا ممنوعہ مواد بر آمد کیا گیا جس کے بعد اس کو موقع پر ہی گرفتار کیا گیا۔
ملزم کی شناخت غلام محی الدین موچھی ساکن نادی گام کے طور پر کی گئی ہے۔
پولیس ترجمان نے بتایا کہ اس ضمن میں پولیس اسٹیشن شوپیاں میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر2/2026 ایک مقدمہ درج کیا گیا اور مزید تحقیقات شروع کی گئیں۔
انہوں نے کہا کہ شوپیاں پولیس ضلع سے منشیات کی بیخ کنی کو یقینی بنانے کے لئے پر عزم ہے۔
0
