سرینگر /14مارچ / ایس این این // انصاف اور مفاہمت کی ضرورت پر زور دیتے ہوئے جموں و کشمیر کے وزیر اعلیٰ عمر عبداللہ نے حکام پر زور دیا کہ وہ معمولی الزامات کے ساتھ نظربندوں کو رہا کریں اور حال ہی میں گرفتار کیے گئے افراد کے خلاف مقدمات کو منسوخ کریں۔ سٹار نیوز نیٹ ورک کے مطابق وزیر اعلیٰ عمرعبد للہ نے بادام واری سرینگر میں بادام بلوم فیسٹیول کا افتتاح کرنے کے بعد میڈیا نمائندوں سے بات کرتے ہوئے وزیر اعلیٰ عمر عبد اللہ نے اس تقریب کو کشمیر کی سیاحتی صلاحیت کو ظاہر کرنے اور مقامی نوجوانوں کو ثقافتی اور اقتصادی سرگرمیوں میں شامل کرنے کے لیے ایک پلیٹ فارم کے طور پر بیان کیا۔میڈیا سے بات کرتے ہوئے وزیر اعلیٰ نے کہا”سونم وانگچک کی رہائی ایک مثبت پیش رفت ہے، حالانکہ این ایس اے کے تحت ان کی گرفتاری کبھی نہیں ہونی چاہیے تھی“۔حراست میں لیے گئے نوجوانوں پر بات کرتے ہوئے انہوں نے کہا کہ ہماری حکومت کا عزم ہے اور ہم نے ہمیشہ اس بات کی وکالت کی ہے کہ جو نوجوان معمولی الزامات کے ساتھ پہلی بار مجرم ہیں ان کے مقدمات کو منسوخ کرکے انہیں فوری رہا کیا جائے۔ یہ نوجوانوں میں اعتماد اور خیر سگالی کی بحالی کے لیے ضروری ہے۔ وزیر اعلیٰ نے کشمیر کے سیاحت کے شعبے کو درپیش چیلنجوں پر بھی تبادلہ خیال کیا اور کہا کہ بین الاقوامی ٹکٹوں کی قیمتیں اور ایندھن کے سرچارجز سیاحوں کے بہاو ¿ کو متاثر کر سکتے ہیں، لیکن ہمیں امید ہے کہ کشمیر کی قدرتی خوبصورتی اور ثقافتی خوبی سیاحوں کو اپنی طرف متوجہ کرتی رہے گی۔انہوں نے کہا ” بادام فیسٹیول جیسی تقریبات ہمارے سماجی تانے بانے کو مضبوط کرتی ہیں، سیاحت کو فروغ دیتی ہیں، ذریعہ معاش کو فروغ دیتی ہیں، اور مقامی اور عالمی سطح پر مکالمے کے لیے ایک اسٹیج فراہم کرتی ہیں۔ امن، انصاف، اور نوجوانوں کی شمولیت ہماری اولین ترجیحات میں شامل ہیں“۔
0
