نئی دہلی، 22 جنوری (یواین آئی) پردھان منتری گرام سڑک یوجنا (پی ایم جی ایس وائی-4) کے تحت جموں و کشمیر، چھتیس گڑھ، اتراکھنڈ، راجستھان، ہماچل پردیش اور سکم کی ریاستوں اور مرکز کے زیر انتظام علاقوں کے لیے 10,000 کلومیٹر سے زیادہ سڑک کے پروجیکٹوں کو منظوری دی گئی ہے۔
دیہی ترقی کی وزارت نے آج کہا کہ یہ سڑکیں، جو دور دراز کی پہاڑیوں سے لے کر دیہی برادریوں کے قلب تک پھیلی ہوئی ہیں، نہ صرف بہتر انفراسٹرکچر کی علامت ہیں بلکہ یہ ترقی کے لیے اہم راستے ہیں، متعدد مواقع کھولتی ہیں اور جامع ترقی کو فروغ دیتی ہیں۔ ان سڑکوں کی تعمیر سے تقریباً 3,270 الگ تھلگ بستیوں کو رابطہ اور ضروری خدمات تک رسائی حاصل ہوگی۔ یہ سڑکیں دیہی زندگی کو بدل دیں گی اور ترقی یافتہ ہندوستان کی بنیاد کو مضبوط کریں گی۔
اس اسکیم کا مقصد ان بستیوں کو ہر موسم کی سڑکیں فراہم کرنا ہے جو فی الحال غیر منسلک ہیں۔ ان سڑکوں کے ساتھ ضروری پل بھی بنائے جائیں گے۔
قابل ذکر ہے کہ 11 ستمبر 2024 کو وزیر اعظم نریندر مودی کی صدارت میں مرکزی کابینہ نے مالی سال 2024-25 سے 2028-29 کے دوران پردھان منتری گرام سڑک یوجنا-IV (پی ایم جی ایس وائی-4) کے نفاذ کے لیے دیہی ترقی کے محکمے کی تجویز کو منظوری دی۔
0
