ممبئی، 12 دسمبر ( یو این آئی ) سونے کے ذخائر میں اضافے کے باعث ملک کے غیر ملکی زرمبادلہ ذخائر 5 دسمبر کو ختم ہونے والے ہفتے میں 1.033 ارب ڈالر بڑھ کر 687.26 ارب ڈالر تک پہنچ گئے۔
اس سے پہلے مسلسل دو ہفتوں میں یہ ذخائر کم ہوتے رہے تھے۔ گزشتہ 28 نومبر کو ختم ہونے والے ہفتے میں یہ 1.877 ارب ڈالر کمی کے ساتھ 686.227 ارب ڈالر پر تھے۔ریزرور بینک آف انڈیا نے جمعہ کو بتایا کہ 5 دسمبر کو ختم ہونے والے ہفتے میں سونے کے ذخائر 1.188 ارب ڈالر بڑھ کر 106.984 ارب ڈالر ہو گئے، جو پچھلے سات ہفتوں کی بلند ترین سطح ہے۔
غیر ملکی زرمبادلہ ذخائر کا سب سے بڑا حصہ غیر ملکی کرنسی اثاثے ہیں، جو اس دوران 15.1 کروڑ ڈالر کم ہو کر 556.88 ارب ڈالر رہ گئے۔ اس میں امریکی ڈالر کے ساتھ برطانوی پاؤنڈ، یورو اور جاپانی یہن شامل ہیں اور ان کی قیمتیں ڈالر کے مقابلے میں مقررہ ریٹ کے مطابق طے ہوتی ہیں۔
عالمی مالیاتی فنڈ ( آئی ایم ایف) میں محفوظ ذخائر 9.7 کروڑ ڈالر کم ہو کر 4.675 ارب ڈالر رہ گئے جبکہ خصوصی کھچت کے حقوق ( ایس ڈی آر) میں 9.3 کروڑ ڈالر کا اضافہ ہوا اور یہ 18.721 ارب ڈالر تک پہنچ گئے۔
0
