سرینگر: ۸،جنوری : جموں و کشمیر کے لیفٹیننٹ گورنر منوج سنہا جموں کے مولانا آزاد اسٹیڈیم میں منعقد ہونے والی یوم جمہوریہ کی تقریبات 2026 کی مرکزی تقریب کی صدارت کریں گے، جہاں وہ سلامی بھی لیں گے،اورعوام سے خطاب کریں گے ۔خبر رساں ایجنسی جے کے این ایس کے مطابق جموں میں تعینات سرکاری اور پبلک سیکٹر اداروںکے تمام افسران اور اہلکاروں کو اپنی سرکاری ڈیوٹی کے حصے کے طور پر تقریب میں شرکت کرنے کی ہدایت کی گئی ہے۔حکومت نے تمام شعبہ جات کے سربراہان اور پبلک سیکٹر اداروںکے چیف ایگزیکٹوز کو بھی ہدایت کی ہے کہ وہ یوم جمہوریہ 2026کی قومی تقریب کو بھرپور طریقے سے منانے اور شرکت کے لئے ان کے ماتحت کام کرنے والے ملازمین کےساتھ اپنی موجودگی کو یقینی بنائیں۔اس کے علاوہ یوم جمہوریہ کی تقریبات کی بیٹنگ ریٹریٹ تقریب 29 جنوری 2026 کو شام4بجکر30منٹ پرمولانا آزاد اسٹیڈیم، جموں میں منعقد ہوگی۔ جموں میں تعینات سرکاری محکموں کے تمام افسران اور اہلکاروں کو تقریب میں شرکت کی ہدایت کی گئی ہے، جبکہ محکموںکے سربراہان اور پبلک سیکٹر اداروں کے چیف ایگزیکٹوز کو اپنے ماتحت ملازمین کے ساتھ اپنی شرکت کو یقینی بنانے کی ضرورت ہے۔اس دوران جموں کیساتھ ساتھ صوبہ کے دیگر اضلاع اور کشمیرمیں سری نگرسمیت سبھی اضلاع میں بھی پولیس اور سیکورٹی فورسزکو متحرک کیاگیا ہے ،تاکہ یوم جمہوریہ کی تقریبات کا پُرامن اور خوشگوار حالات میں انعقاد ہوسکے ۔پولیس اور فورسزنے اضافی چیک پوئنٹ قاےم کرنے کیساتھ ساتھ سری نگراور جموں سمیت پورے جموں وکشمیرمیں چیکنگ کی کارروائیاں شروع کردی ہیں جبکہ ملی ٹنسی سے متاثرہ اضلاع یا علاقوں کے علاوہ لائن آف کنٹرول اور بین الااقوامی سرحد کیساتھ نگرانی اور چوکسی بڑھادی گئی ہے ۔ادھرکولگام پولیس نے جمعرات کو جنوبی کشمیر کے ضلع کولگام کے قاضی گنڈ علاقے میں سری نگرجموں قومی شاہراہ کےساتھ ساتھ یوم جمہوریہ کی تقریبات سے قبل لوگوں کی حفاظت کو یقینی بنانے اور امن و امان کو برقرار رکھنے کے لیے چیکنگ اور تلاشی کی کارروائیاں تیز کر دیں۔ایک اہلکار نے بتایا کہ ایس ایس پی کولگام عنایت علی چودھری کی ہدایت پر اے ایس پی نیشنل ہائی وے اور ایس ڈی پی او قاضی گنڈ کی نگرانی میں اسٹیشن ہاو ¿س آفیسر (ایس ایچ او) قاضی گنڈ سید نذیر اندرابی کی قیادت میں تلاشی مہم چلائی گئی۔انہوں نے مزید کہا کہ کولگام ضلع کی مجموعی صورتحال پر کڑی نظر رکھی جا رہی ہے۔ انہوں نے مزید کہاکہ پولیس کے سینئر افسران ذاتی طور پر ضلع میں سیکورٹی کی صورتحال کی نگرانی کر رہے ہیں تاکہ جشن کے لیے محفوظ اور محفوظ ماحول کو یقینی بنایا جا سکے۔
0
