چیف الیکشن کمشنر نے دیا اسے غلط معلومات کا مقابلہ کرنے کا ٹول قرار
سرینگر:۲۲،جنوری : چیف الیکشن کمشنر گیانیش کمار نے جمعرات کو ووٹروں، عہدیداروں اور سیاسی جماعتوں کے لیے ایک نیا ڈیجیٹل انٹرفیس لانچ کیا، جس میں اسے غلط معلومات سے نمٹنے کے لیے ایک ٹول قرار دیا۔ چیف الیکشن کمشنر گیانیش کمار نے نئی دہلی میں ایک بین الاقوامی کانفرنس میں شرکت کرنے والے ممالک کے انتخابی انتظامی اداروں کو بھی مدد کی پیشکش کی تاکہ انہیں ان کی زبانوں میں اور ان کے قوانین کے مطابق ایک جیسا آلہ تیار کرنے میں مدد ملے۔ گیانیشکمار نے نوٹ کیا کہ مختلف انتخابی انتظامی اداروں کے سربراہوں نے کانفرنس کے دوران غلط معلومات پر تشویش کا اظہار کیا تھا۔انہوں نےENCINETکو غلط معلومات کے انسداد کے لیے ایک اور ٹول کے طور پر بیان کیا، کیونکہ اس پر رائے شماری سے متعلق تمام حقائق دستیاب ہیں۔ چیف الیکشن کمشنر گیانیش کمار نے کہاکہENCINETاپنی موجودہ موبائل اور ویب ایپلیکیشنز میں سے40 سے زیادہ کو مربوط کرے گا اور تمام انتخابی سرگرمیوں کے لیے ایک واحد پلیٹ فارم فراہم کرے گا۔انہوںنے مزیدکہاکہ نیا پلیٹ فارم صارفین پر متعدد ایپس کو ڈاو ¿ن لوڈ اور نیویگیٹ کرنے اور مختلف لاگ ان کو یاد رکھنے کے بوجھ کو کم کرے گا۔مزید برآں، ENCINET صارفین کو اپنے ڈیسک ٹاپس یا اسمارٹ فونز پر متعلقہ انتخابی ڈیٹا تک رسائی کے قابل بنائے گا۔ اس بات کو یقینی بنانے کے لیے کہ ڈیٹا ممکن حد تک درست ہے، ENCINET پر ڈیٹا مکمل طور پرالیکشن کمیشن کے مجاز اہلکار کے ذریعے درج کیا جائے گا۔پول پینل نے اشارہ کیاکہ متعلقہ اہلکار کی طرف سے اندراج اس بات کو یقینی بنائے گا کہ اسٹیک ہولڈرز کو دستیاب ڈیٹا ہر ممکن حد تک درست ہے۔ تاہم، کسی بھی تنازعہ کی صورت میں، بنیادی اعداد و شمار جیسا کہ قانونی فارموں میں مکمل طور پر بھرا گیا ہے، غالب رہے گا،۔ENCINET موجودہ ایپس جیسے ووٹر ہیلپ لائن ایپ، ووٹر ٹرن آو ¿ٹ ایپcVIGIL،Suvidha،SakshamاورKYC ایپ کو شامل کرے گا، جس نے مجموعی طور پر 5.5 کروڑ سے زیادہ ڈاو ن لوڈ کیے ہیں۔ (پی ٹی آئی)
0
