سری نگر، 14 نومبر (یو این آئی) بڈگام اسمبلی ضمنی انتخاب میں پیپلز ڈیموکریٹک پارٹی (پی ڈی پی) کے امیدوار آغا سید منتظر اپنے قریبی حریف اور نیشنل کانفرنس (این سی) کے امیدوار آغا سید محمود پر لگاتار بر تری بنائے ہوئے ہیں۔
الیکشن کمیشن آف انڈیا کی طرف سے جاری کردہ تازہ ترین نتائج کے مطابق 11ویں روائڈ میں پی ڈی ی کے آغا سید منتظر نے 16 ہزار 6 سو 63 ووٹ حاصل کئے ہیں جبکہ اس کے نزدیکی حریف نیشنل کانفرنس کے آغا سید محمود نے 13 ہزار 49 ووٹ حاصل کئے ہیں اور اس طرح پی ڈی پی امید وار کو 3 ہزار 6 سو 14 ووٹوں کی بر تری حاصل ہے۔
نذیر خان نے مذکورہ رائونڈ تک 2 ہزار 7 سو 86 جبکہ محمد سمیر بٹ نے 2 ہزات 4 سو 23ووٹ حاصل کئے ہیں۔
بڈگام نشست اس وقت خالی ہوئی تھی جب وزیر اعلیٰ عمر عبداللہ نے اس نشست سےاستعفیٰ دے کر گاندربل سیٹ کو بر قرار رکھنے کا اعلان کیا تھا۔
واضح رہے کہ 11 نومبر کو ہونے والے ضمنی انتخابات میں 50 فیصد سے زیادہ ووٹروں نے اپنا حق رائے دہی استعمال کیا۔
بڈگام اسمبلی حلقے میں کل 1 لاکھ 26 ہزار سے زیادہ رجسٹرڈ رائے دہندگان ہیں۔
0
