سری نگر، 4 دسمبر (یو این آئی) منشیات کے خلاف کریک ڈاؤن کو جاری رکھتے ہوئے شوپیاں پولیس نے صفانگری زینہ پورہ میں ایک رہائشی مکان سے بڑی مقدار میں بھنگ جیسا ممنوعہ بر آمد کیا ہے۔
ایک پولیس ترجمان نے اپنے ایک بیان میں کہا کہ ایک خصوصی اطلاع پر کارروائی کرتے ہوئے پولیس اسٹیشن زینہ پورہ نے این ڈی پی ایس ایکٹ کے تحت زیر ایف آئی آر نمبر 120/2025 ایک مقدمہ درج کیا اور چیف جوڈیشل مجسٹریٹ (سی جے ایم) شوپیاں کی معزز عدالت سے سرچ وارنٹ حاصل کیا۔
انہوں نے کہا کہ پولیس اسٹیشن زینہ پورہ کی ایک ٹیم نے ایگزیکٹیو مجسٹریٹ فرسٹ کلاس کے ہمراہ صفانگری زینہ پورہ کے رہنے والے فاروق احمد ڈار کے گھر پر چھاپہ مارا۔
ان کا کہنا ہے کہ تلاشی کے دوران مکان سے 7 کلو 9 سو گرام بھنگ جیسا ممنوعہ مواد بر آمد کیا گیا۔
پولیس ترجمان نے بتایا کہ ملزم کو گرفتار کیا گیا اور اس ضمن میں مزید تحقیقات شروع کی گئیں۔
انہوں نے کہا کہ شوپیاں پولیس ضلع سے منشیات کی بیخ کنی کو یقینی بنانے کے لئے پر عزم ہے۔
0
