سری نگر، 12 اپریل (یو این آئی) محکمہ موسمیات نے وادی کشمیر میں اگلے ایک ہفتے کے دوران موسم نا موافق رہنے کی پیش گوئی کی ہے
محکمے نے ایک ایڈوائزری جاری کرتے ہوئے کہا کہ وادی کے بالائی علاقوں میں 13 اور 14 اپریل کو کہیں کہیں زمینی ٹرانسپورٹ عارضی طور پر متاثر رہ سکتا ہے اور کسانوں سے کہا گیا ہے کہ وہ اس دوران اپنے کھیت کھلیانوں اور باغوں میں آپریشنز معطل رکھیں۔
متعلقہ محکمے کے ایک ترجمان نے بتایا کہ وادی میں 13 اور 14 اپریل کو موسم ابر آلود رہ سکتا ہے اور اس دوران میدانی علاقوں میں ہلکی سے درمیانی درجے کی بارش جبکہ بالائی علاقوں میں بھاری بارش یا برف باری ہوسکتی ہے اور کہیں کہیں گرج چمک کے ساتھ ژالہ باری اور تیز ہوائیں چل سکتی ہیں۔
انہوں نے کہا کہ بعد میں وادی میں 15 سے 17 اپریل تک موسم جزوی سے کلی طور پر ابر آلود رہنے کے ساتھ میدانی علاقوں میں ہلکی بارشیں جبکہ پہاڑی علاقوں میں کئی مقامات پر ہلکی برف باری کا امکان ہے۔
ترجمان نے بتایا کہ وادی میں 18 سے 20 اپریل تک بھی موسم جزوی طور پر ابر آلود رہ سکتا ہے اور اس دوران میدانی علاقوں میں ہلکی بارشیں جبکہ پہاڑی علاقوں میں کچھ مقامات پر برف باری متوقع ہے۔
محکمے نے ایک ایڈوائزری جاری کرتے ہوئے کہا کہ وادی کے بالائی علاقوں میں 13 اور 14 اپریل کو کہیں کہیں زمینی ٹرانسپورٹ عارضی طور پر متاثر رہ سکتا ہے اور کسانوں سے کہا گیا ہے کہ وہ اس دوران اپنے کھیت کھلیانوں اور باغوں میں آپریشنز معطل رکھیں۔
ایڈوائزری کے مطابق اس دوران کچھ نشیبی علاقوں میں پانی جمع ہوسکتا ہے اور کہیں کہیں چٹانیں اور مٹی کے تودے کھسکنے کا بھی امکان ہے۔
دریں اثنا وادی کے شبانہ درجہ حرارت میں ایک بار پھر قدرے گراوٹ درج ہوئی ہے۔
گرمائی دارلحکومت سری نگر میں کم سے کم درجہ حرارت 7.1 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت 8.9 ڈگری سینٹی گریڈ ریکارڈ ہوا تھا۔
وادی کے مشہور زمانہ سیاحتی مقام گلمرگ میں کم سے کم درجہ حرارت 0.5 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت 0.6 ڈگری سینٹی گریڈ ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت1.2 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت4.5 ڈگری سینٹی گریڈ ریکارڈ ہوا تھا۔
سرحدی ضلع کپوارہ میں کم سے کم درجہ حرارت5.8 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت8.1 ڈگری سینٹی گریڈ ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت4.8 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت6.0 ڈگری سینٹی گریڈ ریکارڈ ہوا تھا۔
0
