0

کولگام میں منشیات فروش گرفتار، ممنوعہ مادہ برآمد

سرینگر31 اکتوبر// منشیات کو ختم کرنے کے لیے اپنی کوششوں کو جاری رکھتے ہوئے کولگام پولیس نے ایک منشیات فروش کو گرفتارکرکے اس کے قبضے سے ممنوعہ مادہ برآمد کرکے ضبط کی۔
ایس ایچ او تھانہ قاضی گنڈ کی سربراہی میں پولیس پارٹی نے ناکہ چیکنگ کے دوران بدراگنڈ میں ایک مشکوک شخص کو دیکھا جس نے پولیس پارٹی کو دیکھ کر موقع سے فرار ہونے کی کوشش کی۔ چوکس پولیس پارٹی نے اس کا پیچھا کیا اور تدبیر سے پکڑ لیا۔ چیکنگ کے بعد وہاں موجود افسران اس کے قبضے سے 04 کلو گرام پوست جیسے ممنوعہ مادہ برآمد کرنے میں کامیاب ہوئے۔ اس کی شناخت نذیر احمد ملک دامادہ گل محمد گنائی ساکنہ لاڈیجن ناسوکے طور پرہوئی ہے۔
تھانہ پولیس قاضی گنڈ نے اس سلسلے میں کیس ایف آئی آر نمبر 242/2023 متعلقہ دفعات کے تحت درج کرکے مذید تحقیقات شروع کردی۔

اس خبر پر اپنی رائے کا اظہار کریں

اپنا تبصرہ بھیجیں