سرینگر:۰۲،،جنوری : جموں و کشمیر حکومت نے تمام محکموں، پبلک سیکٹر اداروں اور تعلیمی اداروں کو ہدایت کی ہے کہ وہ 25 جنوری 2026 کو قومی ووٹرز ڈے ( یوم رائے دہندگان)منائیں، جس کا موضوع ”میرا ہندوستان، میرا ووٹ“ہے۔جے کے این ایس کے مطابق کمشنر سکریٹری جنرل ایڈمنسٹریشن ڈپارٹمنٹ اے راجو آئی اے ایس کے ذریعہ 20 جنوری 2026 کو جاری کردہ سرکیولر نمبر 03-JK(GAD)آف 2026 کے مطابق، ووٹروں کی بیداری کو فروغ دینے کے لیے اسکولوں اور کالجوں میں، مباحثے اور مقابلے جیسے ڈرائنگ، پینٹنگ، مضمون نویسی اور ثقافتی سرگرمیاں منعقد کی جائیں گی۔الیکشن کمیشن آف انڈیا نے مشورہ دیا ہے کہ پروگرام صبح 11 بجے یا دن کے کسی بھی مناسب وقت پر منعقد کیے جائیں، جبکہ جن علاقوں میں 24 اور 25 جنوری کو تعطیلات ہیں، وہاں 23 جنوری کو جشن قومی یوم رائے دہندگان منایا جا سکتا ہے۔افسران اور اہلکار قومی یوم رائے دہندگان کے عہد کا انتظام بھی کریں گے، اور تقریبات کی تصاویر ہیش ٹیگNVD-2026 کا استعمال کرتے ہوئے سرکاری سوشل میڈیا پلیٹ فارمز پر شیئر کی جائیں گی۔دریں اثنا، انتظامی سیکرٹریوں، ڈویڑنل کمشنروں اور ڈپٹی کمشنروں سے کہا گیا ہے کہ وہ ہدایات کی سختی سے تعمیل کو یقینی بنائیں اور مرکز کے زیر انتظام علاقوں میں بامعنی تقریبات کو یقینی بنائیں۔
0
