ممبئی، 18 مئی : بھارتیہ ریزرو بینک (آر بی آئی) نے گُنویر سنگھ کو اپنا نیا ایگزیکٹو ڈائریکٹر مقرر کیا ہے۔مرکزی بینک نے پیر کے روز مطلع کیا کہ مسٹر سنگھ کا تقرر آج ہی سے نافذ العمل ہو گیا ہے۔ اس سے قبل وہ آر بی آئی کے شعبہ برائے ادائیگی و تصفیہ نظام میں انچارج چیف جنرل مینیجر کے عہدے پر فائز تھے۔ اب ایگزیکٹو ڈائریکٹر کے طور پر بھی انہیں ادائیگی و تصفیہ نظام کے اسی شعبے کی کلیدی ذمہ داری سونپی گئی ہے۔
مسٹر گُنویر سنگھ گزشتہ تین دہائیوں سے زائد عرصے سے آر بی آئی میں خدمات انجام دے رہے ہیں۔ اس طویل مدت کے دوران انہوں نے ادائیگی و تصفیہ نظام، بینکنگ اور غیر بینکنگ نگرانی ، رسک مانیٹرنگ، گورنمنٹ بینکنگ اور دیگر اہم شعبوں میں گراں قدر تعاون پیش کیا ہے۔ اس کے علاوہ وہ ‘سینٹرل بینک آف عمان’ میں پیمنٹ سسٹم کے ماہر (اسپیشلسٹ) کے طور پر بھی کام کر چکے ہیں۔ تعلیمی لحاظ سے وہ چارٹرڈ اکاؤنٹنٹ (سی اے) اور کاسٹ اینڈ ورکس اکاؤنٹنٹ کی ڈگریاں رکھتے ہیں۔
یواین آئی
0
