سری نگر، 8 جنوری (یو این آئی) شدید سردیوں کے لئے مشہور چلہ کلاں نے سخت تیور کا مظاہرہ کیا ہے جس کے نتیجے میں وادی کشمیر میں ٹھٹھرتی سردیوں کا زور تیز تر ہوا ہے اور سری نگر اور گلمرگ سیمت کئی علاقوں میں رواں سیزن کی اب تک کی سرد ترین راتیں ریکارڈ ہوئی ہیں۔
کشمیر ویدر کے مطابق گرمائی دارلحکومت سری نگر میں شبانہ درجہ حرارت منفی 5.1 ڈگری سینٹی گریڈ ریکارڈ ہوا ہے اور رواں سیزن کی اب تک سرد ترین رات ریکارڈ ہوئی ہے۔
وادی کے شہرہ آفاق سیاحتی مقام گلمرگ میں کم سے کم درجہ حرارت منفی9.2 ڈگری سینٹی گریڈ ریکارڈ ہوکر رواں سیزن کی اب تک کی سرد ترین رات ریکارڈ ہوئی ہے۔
وادی کے ایک اور مشہور سیاحتی مقام پہلگام میں شبانہ درجہ حرارت منفی8.6 ڈگری سینٹی گریڈ ریکارڈ ہو کر رواں موسم کی سرد ترین ریکارڈ ہوئی ہے جبکہ سونہ مرگ میں شبانہ درجہ حرارت منفی 9.8 ڈگری سینٹی گریڈ ریکارڈ ہوا ہے۔
سرحدی ضلع کپوارہ میں کم سے کم درجہ حرارت منفی5.1 ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں شبانہ درجہ حرارت منفی5.4 ڈگری سینٹی گریڈ ریکارڈ ہوا ہے۔
وسطی کشمیر کے بڈگام اور گاندربل اضلاع میں شبانہ درجہ حرارت بالترتیب منفی5.4 ڈگری سینٹی گریڈ اور منفی4.9 ڈگری سینٹی گریڈ ریکارڈ ہوا ہے۔
شمالی کشمیر کے بارہمولہ اور بانڈی پورہ اضلاع میں کم سے کم درجہ حرارت بالترتیب منفی5.3 ڈگری سینٹی گریڈ اور منفی4.6 ڈگری سینٹی گریڈ ریکارڈ ہوا ہے۔
جنوبی کشمیر کے اننت ناگ، پلوامہ اور شوپیاں اضلاع میں شبانہ درجہ حرارت بالترتیب منفی6.3 ڈگری سینٹی گریڈ، منفی6.8 ڈگری سینٹی گریڈ اور منفی7.8 ڈگری سینٹی گریڈ ریکارڈ ہوا ہے۔
لداخ یونین ٹریٹری میں ٹھٹھرتی سردیوں کا زور مزید بڑھ گیا ہے۔
ضلع لیہہ میں کم سے کم درجہ حرارت منفی14.6 ڈگری سینٹی گریڈ جبکہ ضلع کرگل میں کم سے کم درجہ حرارت منفی13.4 ڈگری سینٹی گریڈ ریکارڈ ہوا ہے۔
دنیا میں سائیبریا کے بعد دوسرے سرد ترین علاقہ دراس میں شبانہ درجہ حرارت منفی24.7 ڈگری سینٹی گریڈ ریکارڈ ہوا ہے۔
محکمہ موسمیات کی پیش گوئی کے مطابق وادی میں 22 جنوری تک موسم میں کسی بڑی تبدیلی کا کوئی امکان نہیں ہے۔
انہوں نے کہا کہ وادی میں 10 جنوری تک شبانہ درجہ حرارت میں مزید گراوٹ کا امکان ہے۔
قابل ذکر ہے کہ وادی میں سخت سردیوں کے لئے مشہور چالیس روزہ چلہ کلاں چل رہا ہے جو 21 دسمبر کو شروع ہو کر 31 جنوری کو اختتام پذیر ہوجاتا ہے۔
0
