جموں وکشمیرکی تمام خانقاہوں،زیارت گاہوںاور مساجد کیساتھ ساتھ گھروںمیں رات بھر قران خوانی ،نوافل ادا اور بارگاہ الٰہی میںخصوصی دعائیں
درگاہ حضرت بل میں عظیم الشان اجتماع،شدید سردی کے باوجود ہزاروں لوگوں بشمول مردوزن کی شرکت،آج صبح سے دیدارِموئے پاک صلی اللہ علیہ وسلم
سرینگر:17،جنوری : رحمتن للعالمین (حضرت نبی کریم صلی اللہ علیہ وسلم) کی رب العالمین ( ذو الجلال والکرام) سے ملاقات یعنی معراج العالم(صلی اللہ علیہ وسلم)کے موقعہ پر جمعہ اورہفتہ کی درمیانی رات جموں وکشمیرکے اطراف واکناف میں شب بیداری کے عظیم الشان،روح پرور اور ایمان افروزاجتماعات منعقد ہوئے ،جن میں شامل لاکھوں فرزندا ن توحید اور مسلم خواتین نے رسول پاک (صلی اللہ علیہ وسلم)کے تئیںاپنی والہانہ عقیدت ومحبت کااظہارکیا ۔عبادت گاہوں ،درگاہوں اور گھروںمیں شب بیداری کی گئی ۔تاریخی آثار شریف درگاہ حضرت بل سری نگر میں سب سے بڑااورعظیم الشان اجتماع ہوا،جہاں ہزاروںکی تعدادمیں فرزندان توحید اورباپردہ مسلم خواتین نے شب بیداری کی جبکہ جموں وکشمیرمیںدیگرمقامات پرواقع درگاہوں،زیارت گاہوں اور آستانوںمیں بھی ہزاروں عاشقان رسول ﷺنے شب بیداری کے اجتماعات میں خشووخضوکیساتھ شرکت کی۔اس دوران نماز جمعہ کے موقعہ پرعلمائے کرام نے معراج العالم (صلی اللہ علیہ وسلم)پرروشنی ڈالی ،اور لوگوں کورحمت للعالمین (نبی کریم صلی اللہ علیہ وسلم) کی رب العالمین ( ذو الجلال والکرام) سے ملاقات کے بارے میں بتایا۔جے کے این ایس کے مطابق پوری دنیا کے ساتھ ساتھ جموں کشمیر میں بھی جمعتہ المبارک اورہفتہ کی درمیانی رات شب معراج النبی (صلی اللہ علیہ وسلم) کے سلسلے میں شب خوانی اجتماعات کا اہتمام کیاگیا ۔ اس سلسلے میں سب سے بڑ ا اورعظیم الشان اجتماع آثار شریف درگاہ حضرتبل میں منعقد ہوا، جہاں پر فرزندان توحید نے بابرکت مجلس میں اللہ تعلیٰ کے حضور سربسجود ہوکر دنیا و آخرت کی بھلائی کےلئے خصوصی دعائیں مانگیں گے جبکہ معراج النبی (صلی اللہ علیہ وسلم) کے معجزے کے فلسفے پر روشنی ڈالی جائے گی ۔ اس دوران سنیچر اور اتوار یعنی 17اور 18جنوری کو ہر نماز کے بعددرگاہ حضرتبل میں عقیدت مندوںکو موئے مقدس کے دیدار سے فیضیاب کیا جائے گا۔ درگاہ حضرتبل کےساتھ ساتھ شہر سرینگراوروادی بھر کی مساجد ، درگاہوں،زیارت گاہوںوخانقاہوںمیں عظیم الشان،رُوح پرور اجتماعات اوربابرکت مجالس کاانعقادا ،جس دوران علمائے کرام نے فلسفہ معراج العالم(صلی اللہ علیہ وسلم) پر ہزاروں فرزندان توحید کے روبرﺅ روشنی ڈالی۔ وادی میں معراج العالم کی سب سے بڑی تقریب درگاہ حضرتبل میں منعقد ہوئی جہاں شہر سرینگر سمیت وادی کے اطراف واکناف سے ہزاروں کی تعداد میں عاشقان رسولﷺ جمع ہوئے۔شب معراج کے موقعہ پر آثار شریف درگاہ حضرتبل کو خصوصی طورسجایاگیا ہے جبکہ یہاں عبادات میں رات گزارنے کیلئے آنے والے عقیدت مندوں کیلئے بھی خصوصی انتظامات کئے گئے ۔ نماز عشاءباجماعت اداکرنے کے بعد شب معراج کی روح پرور مجالس کاآغازہوا،جو رات بھر جاری رہااور طلوع آفتاب پر اختتام پذیر ہواجبکہ پوری رات علماءکرام ، مبلغین اورواعظ فلسفہ معراج العالم پر اپنی اپنی معلومات کے مطابق روشنی ڈالیں گے۔اس دوران سنیچرکو علی الصبح نماز فجر کی ادائیگی کے فوراً بعد عاشقان رسول ﷺ موئے مقدس ﷺ کے دیدار سے فیضیاب ہوئے۔ شب معراج کی تقریب بابرکت کے پیش نظر آستان عالیہ شاہ جیلان واقع خانیار و صاحبؒسرائے بالا ، جناب صاحب صورہ،شہری کلاشپورہ،سعد صاحب سونہ وار کے علاوہ کپوارہ، ،بارہمولہ، سوپور ، بانڈی پورہ ، پلوامہ ، شوپیان ، گاندربل ، اننت ناگ ،بڈگام سمیت دیگر اضلاع میں واقع مساجد،زیارتگاہوں ،خانقاہوں ،آستانوں اور دینی مدارس و درسگاہوں میں بھی بابرکت اورعظیم رات شب خوانی کے ساتھ ساتھ درودواذکار کی مجالس کا اہتمام ہوا،جہاںلاکھوں مسلمان بشمول خواتین اوربچے و بچیاں شرکت کرکے حضور اقدس ﷺ کے تئیں اپنی عقیدت ومحبت اوراللہ تعالیٰ کے تئیں اپنی فرمانبردار ی اوراطاعت کااظہار بھی کیا۔صوبائی انتظامیہ کشمیر اورضلع انتظامیہ سرینگر نے سرکاری اداروں اورکچھ رضاکار انجمنوں واداروں کے اشتراک سے درگاہ حضرتبل آنے والے ہزاروں فرزندان توحید اورعاشقان رسول ﷺ کوہرممکنہ سہولیات بہم رکھنے کیلئے خصوصی انتظامات کرنے کےساتھ ساتھ شہرسرینگر اوروادی کے مختلف علاقوں سے حضرتبل پہنچنے والی نجی اورمسافربردار گاڑیوں کیلئے نیا روٹ پلان مرتب کیا ،جسکے تحت گاڑیوں کی آواجاہی کیلئے الگ الگ روٹ مقررکئے گئے ۔ جموں وکشمیر کے دینی مدارس اوردرسگاہوں میں بھی روح پروراوربابرکت اجتماعات کا اہتمام کیاگیا، جہاں سرکردہ علمائے دین ،اسلامی مفکرین ،واعظ،خطیب ،مبلغین اورائمہ مساجدنے نبی برحق ،حضور پُرنور حضرت محمد مصطفےٰ احمد مجتبیٰ ﷺ کی اللہ تبارک وتعالیٰ کیساتھ ملاقات(معراج العالم) پر روشنی ڈالی۔اس دوران گھروں میں بھی عبادات، نوافل ، روحانی محافل اور خصوصی دعاﺅں کا اہتمام کیا گیا ۔معمروبیمارافراد،خواتین اوربچے وبچیاں رسول مقبول ﷺ کے تئیں اپنی والہانہ عقیدت کااظہار کرتے ہوئے اللہ تعالی کے حضور سربسجود ہونے کے علاوہ رات بھر درودحضورﷺ میں محو رہے ۔ ماہ رجب المرجب کی 27ویں شب کو اللہ تعالی نے اپنے محبوب حضرت محمد صلی اللہ علیہ وسلم کو معراج کا شرف عطا کیا ۔ اسی بابرکت رات میں اللہ رب العزت نے پیغمبر آخرزماں حضرت محمد صلی اللہ علیہ وسلم کو اپنے پاس بلایا اور ان سے ہم کلام ہوئے۔ دنیا بھر کے کروڑوں فرزندان توحید اور عاشقان رسول ﷺشب معراج کو خصوصی عبادات کا اہتمام کرتے ہیں اور اللہ تعالی کے حضور سر بسجود ہو کر اپنے گناہوں کی معافی طلب کرنے کےساتھ ساتھ دین برحق کی فروزاں شمع کی روشنی میں اپنی زندگی کے نشیب و فرازطے کا اعادہ کرتے ہیں۔ عرب و عجم اورشرق وغرب کی طرح ہی جموں و کشمیر کے لاکھوں مسلمان بھی شب معراج کی تقریب سعید کے موقعہ پر مساجد ، خانقاہوں،آستانوں اوردینی مدارس و درسگاہوں کے ساتھ ساتھ اپنے گھروں میں بھی میں رات بھر شب خوانی کی اور اللہ کے حضور سربسجود ہو نے کے علاوہ درود ازکار میں بھی محو رہےں ۔
دشمن قوتیں اور عناص
0
