کوچی، 20 مئی : عوامی شعبے کی تیل مارکیٹنگ کی اہم کمپنی بھارت پیٹرولیم کارپوریشن لمیٹڈ (بی پی سی ایل) نے مالی سال 26-2025 میں مضبوط مالی اور آپریشنل کارکردگی درج کرتے ہوئے مجموعی خالص منافع (پی اے ٹی) میں 93.78 فیصد کا اضافہ حاصل کیا ہے۔ کمپنی نے یہ اضافہ گھریلو توانائی کی مانگ میں مضبوطی اور آپریشنل کارکردگی میں بہتری کی بدولت درج کیا۔ فارچیون گلوبل 500 کمپنی اور مہارتن پی ایس یو بی پی سی ایل کا مجموعی خالص منافع مالیاتی سال 26-2025 میں بڑھ کر 25,843 کروڑ روپے ہو گیا، جو گزشتہ مالیاتی سال 25-2024 میں 13,337 کروڑ روپے تھا۔ کمپنی کا اسٹینڈ الون خالص منافع بھی 75.54 فیصد بڑھ کر 23,303 کروڑ روپے پر پہنچ گیا، جو گزشتہ سال 13,275 کروڑ روپے تھا۔
کمپنی نے کہا کہ عالمی خام تیل کی قیمتوں میں اتار چڑھاؤ، سپلائی سے جڑی بدلتی ہوئی صورتحال اور بین الاقوامی توانائی مارکیٹ میں غیر یقینی صورتحال کے باوجود یہ کارکردگی درج کی گئی۔ بی پی سی ایل نے اپنے ریفائننگ اور مارکیٹنگ کے کاروبار میں آپریشنل استحکام برقرار رکھتے ہوئے ملک بھر میں بلاتعطل ایندھن کی سپلائی یقینی بنائی۔ کمپنی نے مالیاتی سال کے دوران اب تک کا سب سے زیادہ ریفائنری تھرو پٹ اور کل فروخت بھی درج کی۔ ریفائنری تھرو پٹ 41.15 ملین میٹرک ٹن (ایم ایم ٹی) رہا اور صلاحیت کا استعمال 117 فیصد تک پہنچ گیا، جبکہ گزشتہ مالیاتی سال میں یہ 40.51 ایم ایم ٹی تھا۔ کمپنی کی کل فروخت بڑھ کر ریکارڈ 55.72 ایم ایم ٹی ہو گئی۔
گھریلو مارکیٹ میں فروخت 3.40 فیصد بڑھ کر 54.18 ایم ایم ٹی ہو گئی، جو گزشتہ مالیاتی سال میں 52.40 ایم ایم ٹی تھی۔ یہ ملک میں ایندھن کی مانگ میں مسلسل اضافے کو ظاہر کرتا ہے۔ بی پی سی ایل کا اسٹینڈ الون ایبٹڈا 51.51 فیصد بڑھ کر 40,582 کروڑ روپے ہو گیا، جبکہ مجموعی ایبٹڈا 57.08 فیصد بڑھ کر 45,601 کروڑ روپے پر پہنچ گیا۔ مجموعی آپریشنل ریونیو 4.46 فیصد بڑھ کر 5,22,820 کروڑ روپے رہا، جو گزشتہ مالیاتی سال میں 5,00,517 کروڑ روپے تھا۔ اسٹینڈ الون آپریشنل ریونیو 5,22,668 کروڑ روپے درج کیا گیا۔
مالی سال 26-2025 کی جنوری-مارچ سہ ماہی میں کمپنی کا مجموعی خالص منافع 28.07 فیصد بڑھ کر 5,625 کروڑ روپے ہو گیا، جو گزشتہ سال کی اسی سہ ماہی میں 4,392 کروڑ روپے تھا۔ سہ ماہی کے دوران مجموعی آپریشنل ریونیو 6.33 فیصد بڑھ کر 1,34,948 کروڑ روپے رہا۔ چوتھی سہ ماہی کے دوران کمپنی نے 10.40 ایم ایم ٹی ریفائنری تھرو پٹ حاصل کیا اور صلاحیت کا استعمال 118 فیصد رہا۔ گھریلو مارکیٹ میں فروخت 13.86 ایم ایم ٹی رہی، جو گزشتہ مالی سال کی اسی مدت کے مقابلے میں 3.28 فیصد زیادہ ہے۔ بی پی سی ایل نے سال کے دوران مالیاتی ڈسپلن اور کیپٹل مینجمنٹ میں بہتری کا بھی ذکر کیا۔ کمپنی کا اسٹینڈ الون قرض اور ایکویٹی کا تناسب 31 مارچ 2025 کو 0.29 سے گھٹ کر 31 مارچ 2026 کو 0.11 پر آ گیا۔
کمپنی نے کہا کہ وہ ریفائننگ اور مارکیٹنگ کے بنیادی ڈھانچے، پائپ لائن کنیکٹیویٹی، سٹی گیس ڈسٹری بیوشن اور ابھرتے ہوئے توانائی کے شعبوں میں سرمایہ کاری کے ذریعے اپنی طویل مدتی ترقی کی حکمت عملی کو آگے بڑھا رہی ہے۔ بی پی سی ایل فی الحال ممبئی، کوچی اور بینا میں ریفائنریوں کا آپریشن کرتی ہے، جن کی مشترکہ ریفائننگ کی صلاحیت تقریباً 35.3 ایم ایم ٹی پی اے ہے۔ کمپنی کے ملک گیر مارکیٹنگ اور ڈسٹری بیوشن نیٹ ورک میں 25,300 سے زیادہ فیول اسٹیشن، 1,000 سے زیادہ سی این جی اسٹیشن، 6,250 سے زیادہ ایل پی جی ڈسٹری بیوٹرز، 81 ایوی ایشن سروس اسٹیشن اور چھ کراس کنٹری پائپ لائنز شامل ہیں۔
یو این آئی
0
